(১)
এটি ছেফটি পিনৰ খোঁচত
এৰি গ'ল কলিজাৰ এফাল
তেজবোৰ পানী হৈ শিৰাই শিৰাই বিষ
জহি খহি গ'ল ঘৰৰ ভিতৰৰ ঘৰ
নুমাই প্ৰদীপ।
(২)
গজমূৰা জীৱন।
চিগাৰেটৰ ধোৱাত উৰি যায়
সংলাপহীন ক্ষোভ
ছাই হৈ পৰি ৰয়
হুমুনিয়াহ।
(৩)
দুখে যেতিয়া উচুপি উঠে
মোৰ চোলাৰ সিয়নি ফালি
লঠঙা হ'ই ফাগুন
উন্মত্ত হ'ল বতাহ
নৈৰ মোহনাত
ৰঙাকৈ পৰি আছেে
ভাগৰুৱা বেলি
আজি ৰাতি এজাক বৰষুণ অহা হ'লে
চিঞৰি চিঞৰি কান্দিব পাৰিলোঁহেতেন।
(৪)
বতাহত ফাগুন
গছবোৰ নাঙঠ হৈ আকাশলৈ চাই আছে
এটা দীঘল হুমুনিয়াহৰ দৰে
সন্ধ্যা নামি আহিছে।
Comments