Assamese Poem অসমীয়া কবিতা Assamese Love Poem অসমীয়া প্ৰেমৰ কবিতা ভালপোৱাৰ কবিতা Bhalpowar Kabita

মাঘ                        - কুলদীপ মেধি তোলৈ বৰকৈ মনত পৰিছে তোৰ বহল বুকুত আকৌ এবাৰ নিহালি লৈ শুবৰ মন গৈছে প্ৰচণ্ড শীতৰ প্ৰকোপ ভঁৰালত ন-ধানৰ গোন্ধ ঢেঁকীশালত বু-বা চলিছে কাৰ বুকু খুন্দি কোনেবা বিনাইছে।

এখনি প্ৰেমৰ চিঠি                         - কুলদীপ মেধি মোলৈ বাট চাবি উৰুকাৰ ৰাতিয়ে গৈ পাম তোৰ কাষ তোৰ চকুৰ পানীৰে তিয়াই থোৱা খুদ কেইটি মোৰ বুকুৰ তাপেৰে সিজাই দুয়ো খাম বেজাৰ নকৰিবি সৰুমাই ইয়াতো বৰ জাৰ ভোগালীৰ মেজিৰ জুইকুৰাৰ দৰে বাঢ়ক তোৰ মোৰ ভালপোৱাৰ টান।